బాలాజీ అర్చావతార విశేష దృశ్యార్చన 29
( దృశ్యము 106 )
( తొండమానుని రాజ్య సరిహద్దులలో ఒక చిట్టడవి )
( అడవి లోని దారిగుండా ఒక రెండెడ్ల బండి, వెళ్తోంది. బండీ నాయుడు బండి నడుపుతున్నాడు )
( బండిలో కూర్ముడనే బ్రాహ్మణుడు , అతని భార్య మహాలక్ష్మి ,అయిదేళ్ల కొడుకు రాఘవుడు ఉంటారు .మహాలక్ష్మి ఆరునెలల గర్భవతి )
( బండి క్రింద ఒక ఉట్టి వ్రేలాడుతోంది. ఆ ఉట్టిలో ఒక కుండ , ఆ కుండలో అస్థికలు, కుండమీద మూత ఒక గావంచాతో బిగించి కట్టబడి ఉంది )
( బండి నెమ్మదిగా వెళ్తోంది )
నాయుడు--- అయ్యా ! పంతులయ్యా !
కూర్మ --- ఏమిటి నాయుడూ ?
నాయుడు ---- మీ పేరేంటయ్యా ?
కూర్మ --- నా పేరుతో నీకేం పని ?
నాయుడు --- బండి నిచ్చాటు అడవిలో ఒంటరిగా వెళ్తోంది. కబుర్లు చెప్పుకుంటూ పోతే బాగుంటుందని అడిగానయ్యా !
కూర్మ --- ఈ అడవి అంత భయంకరమైనదా ?
నాయుడు --- ఇది నిచ్చాటు అడవే అయినా , భయమేమీ లేదయ్యా !
కూర్మ ---- అంత ఖచ్చితంగా ఎలా చెప్పగలవు ?
నాయుడు --- ఢంకా మీద దెబ్బ కొట్టి చెప్పగలనయ్యా ! ఎందుకంటే , ఇది తొండమాను చక్రవర్తి రాజ్యం ! సరిహద్దుల్లో దుండగులే కాదు, అడవిలో జంతువులు కూడ అతనంటే భయపడతారయ్యా ! ఎవరికీ ఎలాంటి ఆపదలూ రావయ్యా !
కూర్మ ---- అంత గొప్పవాడా, మీ తొండమాను చక్రవర్తి ?
నాయుడు --- గొప్పవాడే బాబయ్యా ! ఇంతకీ మీ పేరేంటో చెప్పలేదు !
కూర్మ --- ( నవ్వి ) నాయుడూ ! నా పేరు కూర్మావధాని , కూర్ముడని ఊళ్లో వాళ్లు పిలుస్తారు ! మా ఊరు కాళహస్తికి దగ్గర్లో ఒక కుగ్రహారం. మా తండ్రిగారు ఈ మధ్యనే కాలధర్మం చేసారు, కర్మ కాండలు ముగిసి, కావలసిన వారందరూ వెళ్లిపోయాక, అతని అస్థికలు కాశీ గంగలో నిమజ్జనం చెయ్యాలని, యాత్రకి బయలు దేరాను .---- ఈమె నా భార్య , (భార్యని చూపించి ) మహాలక్ష్మి , వాడు నా కొడుకు ( కొడుకుని చూపించి ) రాఘవుడు, అయిదేళ్లవాడు. ఇది చాలా ? ఇంకా వివరాలు కావాలా ?
నాయుడు ---- ఇవరాలన్నీ సాన బాగా చెప్పారండి ! ఎంతైనా బ్రాహ్మలు కదండయ్యా ! అయినా నాకు తెలియక అడుగుతాను ----
కూర్మ --- ఏమిటది నాయుడూ ?
నాయుడు ---- మరేం లేదయ్యా ! అమ్మగారు మళ్లీ నీళ్లోసుకున్నారేంటయ్యా ?
కూర్మ -- అవునోయ్ నాయుడూ ! మీ అమ్మగారు ఇప్పుడు ఆరు నెలల గర్భవతి !
నాయుడు --- అదేనయ్యా ! అలాగే అనిపించింది. అయినా నాకు తెలియక ----
కూర్మ ---- అడగవయ్యా ! నేనేమీ అనుకోన్లే ?
నాయుడు --- ఆరు నెలల గర్భిణీ స్త్రీని, యాత్రలకి తీసుకొని వెళ్లరాదని అంటారండి, మీ లాంటి పెద్దలు ! మరి---
కూర్మ ( బాధతో ) ముందే చెప్పాను కదా నాయుడూ ! అది కుగ్రహారమని ! పేదవానికి పెళ్లామే చుట్టం, అన్న సామెత నీకు తెలిసినట్లే కదా ! డబ్బున్న వాడి కయితే అందరూ చుట్టాలే ! మా లాంటి నిరుపేదల కెవరు గతి ? కాశీయాత్ర కూడ భిక్షాటన చేసి చెయ్యాలి !
నాయుడు --- బాబయ్యా ! నూతిలో కప్పకు నుయ్యే ప్రపంచం అని, మీ లాంటి పెద్దలంటే విన్నానయ్యా !
కూర్మ --- ఇప్పుడా సామెత దేనికయ్యా , నాయుడూ ?
నాయుడు --- మరేం లేదు బాబయ్యా ! మీరు , మీ గ్రామంలో కూర్చొని , అదే అన్నీ అనుకొంటున్నారయ్యా ! తొందమాను చక్రవర్తి రాజ్యంలో , అందరికీ ఆ రాజే ఆప్తుడయ్యా !
కూర్మ --- అంటే ఆ రాజు అంతటి ధర్మదాతా ?
నాయుడు --- ఆ రాజు సంగతి సరేనయ్యా ! ఆ రాజుకి , ఆ రాజ్య ప్రజలకి కొండంత దేవుడు అండ ఉంది !
కూర్మ --- ఎవరు నాయుడూ , ఆ కొండంత దేవుడు ?
నాయుడు --- ఏడు కొండల వాడయ్యా ! వేంకటేశ్వర స్వామి ! ఆపద మొక్కుల వాడు , పిలుస్తే పలికే దేవుడయ్యా !
కూర్మ --- ఓహో ! వేంకటాచల రమణుడైన శ్రీనివాసుడా !! మీ తొండ మాను చక్రవర్తి అన్న కూతురు , పద్మావతీ దేవిని పరిణయ మాడాడట కదా ! ఆ మధ్య కొండ మీద ఆలయంలో ప్రవేశము, కూడ జరిగాయని విన్నాము !
నాయుడు --- బ్రహ్మోత్సవాలు కూడా జరిగాయయ్యా ! ఎక్కడెక్కడి జనం తిరునాళ్లలా వచ్చారు ! మీ గ్రామం నుండి ఎవరూ వెళ్లలేదా బాబయ్యా ?
కూర్మ ---- వెళ్లారయ్యా , నాయుడూ ! అగ్రహారం అంతా కదిలి ఘనంగా సంభావనలు తెచ్చుకొన్నారు. మా నాన్నగారు కాలధర్మం చెందడం వల్ల నాకు, వీలు కాలేదు.
మహాలక్ష్మి ---- ఏమండీ !
కూర్మ --- ఏమిటే ?
మహాలక్ష్మి --- పెళ్లి , మనుగుడుపులు అన్నీ అయి, గృహ ప్రవేశం జరిగాక , పద్మావతీ దేవి, తిరిగి కొండ దిగువకి వచ్చి, తిరుచానూరు శుకాశ్రమంలో ఉందని విన్నాం ! ఆ సంగతేదో , అతనిని అడగండీ !
కూర్మ విన్నావా నాయుడూ ! మీ అమ్మగారి సందేహం ?
నాయుడు ---- విన్నానండి ! పద్మావతమ్మగారు తిరుచానూరు వచ్చిన మాట నిజమేనండి ! తమ్ముడు వసుధానుడు , ఆమెను తిరిగి కొండ మీదకు తీసుకు వెళ్తానన్నా ఆమె ఒప్పుకోలేదట ! భర్త వచ్చి పిలిచేదాకా వెళ్లనని , తనకి ఆ ఊర్లోనే ఆలయం కట్టమని చెప్పిందట ! అలాగేనని ఆలయం కట్టించాడట ఆ మహారాజు !
మహాలక్ష్మి --- అయితే నాయుడూ ! ఆ తల్లి కొండ దిగువకి రావడానికి కారణం ఏమిటొ ?
నాయుడు --- ఆ యమ్మ తెచ్చిన సారెలో, కరివేపాకు , లేదంట ! ఆ కొండ మీద కరివేపాకు దొరకదాయె ! ఆరు నెలలకి సరిపడా కరివేపాకు తెమ్మని పంపాడంట, వేంకటేశ్వర స్వామి !!
మహాలక్ష్మి --- నాయుడూ ! అది అన్యాయం కాదంటావా ? అంత గొప్ప దేవుడికి కూడ , అత్తింటి సారె మీద ఆశ ఉంటుందంటావా ?
( నాయుడు తలపాగా తీసి బుర్ర గోక్కుంటాడు )
నాయుడు --- అదేమోనమ్మా ! అవన్నీ దైవలీలలు !! అందరికీ అర్థం కావని, మీ లాంటి వాళ్లు చెఫ్తే, విన్నానమ్మా !
కూర్మ---- మంచి దెబ్బకొట్టావు నాయుడూ ! బంతిని విసిరి కొడితే తిరిగి తన దగ్గరకే వచ్చినట్లు, మీ అమ్మగారి ప్రశ్న ఆమెకే తిప్పి కొట్టావు.
మహాలక్ష్మి --- ఆ ప్రశ్న నా మీదకి కాదు, మీ మీదకే తిప్పికొట్టాడు నాయుడు. ఆగమ శాస్త్రాలు చదువుకొన్నవారు మీరు, మీరే చెప్పండి !
కూర్మ --- మంచి మాటే అడిగావు మహాలక్ష్మీ ! మొదటి సారి విన్నప్పుడు నాకు కూడ ఇది, ఎబ్బెట్టుగానే తోచింది ! కాని ----
నాయుడు --- ఆగండయ్యా ! నాకు కూడ అర్థం అయ్యేలాగ చెప్పండి బాబయ్యా !
కూర్మ --- అలాగే నాయుడూ ! శ్రద్ధగా విను ! కరివేపాకుని మనం , ఒక్క తీపి వంటకాలకి తప్ప తక్కిన అన్ని రుచులూరే వంటకాలకి వాడతాం, అవునా ?
నాయుడు --- అవునండి !
కూర్మ ---- వంటకాలని శుద్ధిచేయడానికి మంచి వాసనని ఇయ్యడానికి, ఆ ఆకుని వాడతాం ,అంతే కదా ?
నాయుడు --- అవునండి , పని అయ్యాక తీసి పారేస్తాం కూడ !
కూర్మ --- ఇక్కడ కరివేపాకు అంటే తపస్సు అని అర్థం ! వంటకం అంటే సాధన ! రుచులు, కామితార్థాలు అంటే కోరుకొనే వరాలు ! ---వరాలు కోరుకొనేవారు తపస్సు అనే కరివేపాకు వేసి, సాధన అనే వంటకాన్ని శుద్ధిచేసి, పరిమళ భరితం చెయ్యాలి ! అప్పుడా ఫలితం రుచులూరుతూ , అనుభవ యోగ్యం అంటే తినే వీలు అవుతుంది ! తినేటప్పుడు వైరాగ్యం కూడదు కాబట్టి, తపస్సును అంటే కరివేపాకును వేరు చెయ్యాలి, అర్థమయిందా ?
నాయుడు --- కొంచెం కొంచెం అర్థమయిందయ్యా ! ఆమ్మగారూ , మీకు తెలిసిందాండి ?
మహాలక్ష్మి--- కరివేపాకు, వంటకాలు , రుచులు , వీటన్నిటికీ మీ వ్యాఖ్యానాలు బాగున్నా, ఇంకా ఎక్కడి పశ్న అక్కడే ఉండిపోయింది !
********
( దృశ్యము 106 )
( తొండమానుని రాజ్య సరిహద్దులలో ఒక చిట్టడవి )
( అడవి లోని దారిగుండా ఒక రెండెడ్ల బండి, వెళ్తోంది. బండీ నాయుడు బండి నడుపుతున్నాడు )
( బండిలో కూర్ముడనే బ్రాహ్మణుడు , అతని భార్య మహాలక్ష్మి ,అయిదేళ్ల కొడుకు రాఘవుడు ఉంటారు .మహాలక్ష్మి ఆరునెలల గర్భవతి )
( బండి క్రింద ఒక ఉట్టి వ్రేలాడుతోంది. ఆ ఉట్టిలో ఒక కుండ , ఆ కుండలో అస్థికలు, కుండమీద మూత ఒక గావంచాతో బిగించి కట్టబడి ఉంది )
( బండి నెమ్మదిగా వెళ్తోంది )
నాయుడు--- అయ్యా ! పంతులయ్యా !
కూర్మ --- ఏమిటి నాయుడూ ?
నాయుడు ---- మీ పేరేంటయ్యా ?
కూర్మ --- నా పేరుతో నీకేం పని ?
నాయుడు --- బండి నిచ్చాటు అడవిలో ఒంటరిగా వెళ్తోంది. కబుర్లు చెప్పుకుంటూ పోతే బాగుంటుందని అడిగానయ్యా !
కూర్మ --- ఈ అడవి అంత భయంకరమైనదా ?
నాయుడు --- ఇది నిచ్చాటు అడవే అయినా , భయమేమీ లేదయ్యా !
కూర్మ ---- అంత ఖచ్చితంగా ఎలా చెప్పగలవు ?
నాయుడు --- ఢంకా మీద దెబ్బ కొట్టి చెప్పగలనయ్యా ! ఎందుకంటే , ఇది తొండమాను చక్రవర్తి రాజ్యం ! సరిహద్దుల్లో దుండగులే కాదు, అడవిలో జంతువులు కూడ అతనంటే భయపడతారయ్యా ! ఎవరికీ ఎలాంటి ఆపదలూ రావయ్యా !
కూర్మ ---- అంత గొప్పవాడా, మీ తొండమాను చక్రవర్తి ?
నాయుడు --- గొప్పవాడే బాబయ్యా ! ఇంతకీ మీ పేరేంటో చెప్పలేదు !
కూర్మ --- ( నవ్వి ) నాయుడూ ! నా పేరు కూర్మావధాని , కూర్ముడని ఊళ్లో వాళ్లు పిలుస్తారు ! మా ఊరు కాళహస్తికి దగ్గర్లో ఒక కుగ్రహారం. మా తండ్రిగారు ఈ మధ్యనే కాలధర్మం చేసారు, కర్మ కాండలు ముగిసి, కావలసిన వారందరూ వెళ్లిపోయాక, అతని అస్థికలు కాశీ గంగలో నిమజ్జనం చెయ్యాలని, యాత్రకి బయలు దేరాను .---- ఈమె నా భార్య , (భార్యని చూపించి ) మహాలక్ష్మి , వాడు నా కొడుకు ( కొడుకుని చూపించి ) రాఘవుడు, అయిదేళ్లవాడు. ఇది చాలా ? ఇంకా వివరాలు కావాలా ?
నాయుడు ---- ఇవరాలన్నీ సాన బాగా చెప్పారండి ! ఎంతైనా బ్రాహ్మలు కదండయ్యా ! అయినా నాకు తెలియక అడుగుతాను ----
కూర్మ --- ఏమిటది నాయుడూ ?
నాయుడు ---- మరేం లేదయ్యా ! అమ్మగారు మళ్లీ నీళ్లోసుకున్నారేంటయ్యా ?
కూర్మ -- అవునోయ్ నాయుడూ ! మీ అమ్మగారు ఇప్పుడు ఆరు నెలల గర్భవతి !
నాయుడు --- అదేనయ్యా ! అలాగే అనిపించింది. అయినా నాకు తెలియక ----
కూర్మ ---- అడగవయ్యా ! నేనేమీ అనుకోన్లే ?
నాయుడు --- ఆరు నెలల గర్భిణీ స్త్రీని, యాత్రలకి తీసుకొని వెళ్లరాదని అంటారండి, మీ లాంటి పెద్దలు ! మరి---
కూర్మ ( బాధతో ) ముందే చెప్పాను కదా నాయుడూ ! అది కుగ్రహారమని ! పేదవానికి పెళ్లామే చుట్టం, అన్న సామెత నీకు తెలిసినట్లే కదా ! డబ్బున్న వాడి కయితే అందరూ చుట్టాలే ! మా లాంటి నిరుపేదల కెవరు గతి ? కాశీయాత్ర కూడ భిక్షాటన చేసి చెయ్యాలి !
నాయుడు --- బాబయ్యా ! నూతిలో కప్పకు నుయ్యే ప్రపంచం అని, మీ లాంటి పెద్దలంటే విన్నానయ్యా !
కూర్మ --- ఇప్పుడా సామెత దేనికయ్యా , నాయుడూ ?
నాయుడు --- మరేం లేదు బాబయ్యా ! మీరు , మీ గ్రామంలో కూర్చొని , అదే అన్నీ అనుకొంటున్నారయ్యా ! తొందమాను చక్రవర్తి రాజ్యంలో , అందరికీ ఆ రాజే ఆప్తుడయ్యా !
కూర్మ --- అంటే ఆ రాజు అంతటి ధర్మదాతా ?
నాయుడు --- ఆ రాజు సంగతి సరేనయ్యా ! ఆ రాజుకి , ఆ రాజ్య ప్రజలకి కొండంత దేవుడు అండ ఉంది !
కూర్మ --- ఎవరు నాయుడూ , ఆ కొండంత దేవుడు ?
నాయుడు --- ఏడు కొండల వాడయ్యా ! వేంకటేశ్వర స్వామి ! ఆపద మొక్కుల వాడు , పిలుస్తే పలికే దేవుడయ్యా !
కూర్మ --- ఓహో ! వేంకటాచల రమణుడైన శ్రీనివాసుడా !! మీ తొండ మాను చక్రవర్తి అన్న కూతురు , పద్మావతీ దేవిని పరిణయ మాడాడట కదా ! ఆ మధ్య కొండ మీద ఆలయంలో ప్రవేశము, కూడ జరిగాయని విన్నాము !
నాయుడు --- బ్రహ్మోత్సవాలు కూడా జరిగాయయ్యా ! ఎక్కడెక్కడి జనం తిరునాళ్లలా వచ్చారు ! మీ గ్రామం నుండి ఎవరూ వెళ్లలేదా బాబయ్యా ?
కూర్మ ---- వెళ్లారయ్యా , నాయుడూ ! అగ్రహారం అంతా కదిలి ఘనంగా సంభావనలు తెచ్చుకొన్నారు. మా నాన్నగారు కాలధర్మం చెందడం వల్ల నాకు, వీలు కాలేదు.
మహాలక్ష్మి ---- ఏమండీ !
కూర్మ --- ఏమిటే ?
మహాలక్ష్మి --- పెళ్లి , మనుగుడుపులు అన్నీ అయి, గృహ ప్రవేశం జరిగాక , పద్మావతీ దేవి, తిరిగి కొండ దిగువకి వచ్చి, తిరుచానూరు శుకాశ్రమంలో ఉందని విన్నాం ! ఆ సంగతేదో , అతనిని అడగండీ !
కూర్మ విన్నావా నాయుడూ ! మీ అమ్మగారి సందేహం ?
నాయుడు ---- విన్నానండి ! పద్మావతమ్మగారు తిరుచానూరు వచ్చిన మాట నిజమేనండి ! తమ్ముడు వసుధానుడు , ఆమెను తిరిగి కొండ మీదకు తీసుకు వెళ్తానన్నా ఆమె ఒప్పుకోలేదట ! భర్త వచ్చి పిలిచేదాకా వెళ్లనని , తనకి ఆ ఊర్లోనే ఆలయం కట్టమని చెప్పిందట ! అలాగేనని ఆలయం కట్టించాడట ఆ మహారాజు !
మహాలక్ష్మి --- అయితే నాయుడూ ! ఆ తల్లి కొండ దిగువకి రావడానికి కారణం ఏమిటొ ?
నాయుడు --- ఆ యమ్మ తెచ్చిన సారెలో, కరివేపాకు , లేదంట ! ఆ కొండ మీద కరివేపాకు దొరకదాయె ! ఆరు నెలలకి సరిపడా కరివేపాకు తెమ్మని పంపాడంట, వేంకటేశ్వర స్వామి !!
మహాలక్ష్మి --- నాయుడూ ! అది అన్యాయం కాదంటావా ? అంత గొప్ప దేవుడికి కూడ , అత్తింటి సారె మీద ఆశ ఉంటుందంటావా ?
( నాయుడు తలపాగా తీసి బుర్ర గోక్కుంటాడు )
నాయుడు --- అదేమోనమ్మా ! అవన్నీ దైవలీలలు !! అందరికీ అర్థం కావని, మీ లాంటి వాళ్లు చెఫ్తే, విన్నానమ్మా !
కూర్మ---- మంచి దెబ్బకొట్టావు నాయుడూ ! బంతిని విసిరి కొడితే తిరిగి తన దగ్గరకే వచ్చినట్లు, మీ అమ్మగారి ప్రశ్న ఆమెకే తిప్పి కొట్టావు.
మహాలక్ష్మి --- ఆ ప్రశ్న నా మీదకి కాదు, మీ మీదకే తిప్పికొట్టాడు నాయుడు. ఆగమ శాస్త్రాలు చదువుకొన్నవారు మీరు, మీరే చెప్పండి !
కూర్మ --- మంచి మాటే అడిగావు మహాలక్ష్మీ ! మొదటి సారి విన్నప్పుడు నాకు కూడ ఇది, ఎబ్బెట్టుగానే తోచింది ! కాని ----
నాయుడు --- ఆగండయ్యా ! నాకు కూడ అర్థం అయ్యేలాగ చెప్పండి బాబయ్యా !
కూర్మ --- అలాగే నాయుడూ ! శ్రద్ధగా విను ! కరివేపాకుని మనం , ఒక్క తీపి వంటకాలకి తప్ప తక్కిన అన్ని రుచులూరే వంటకాలకి వాడతాం, అవునా ?
నాయుడు --- అవునండి !
కూర్మ ---- వంటకాలని శుద్ధిచేయడానికి మంచి వాసనని ఇయ్యడానికి, ఆ ఆకుని వాడతాం ,అంతే కదా ?
నాయుడు --- అవునండి , పని అయ్యాక తీసి పారేస్తాం కూడ !
కూర్మ --- ఇక్కడ కరివేపాకు అంటే తపస్సు అని అర్థం ! వంటకం అంటే సాధన ! రుచులు, కామితార్థాలు అంటే కోరుకొనే వరాలు ! ---వరాలు కోరుకొనేవారు తపస్సు అనే కరివేపాకు వేసి, సాధన అనే వంటకాన్ని శుద్ధిచేసి, పరిమళ భరితం చెయ్యాలి ! అప్పుడా ఫలితం రుచులూరుతూ , అనుభవ యోగ్యం అంటే తినే వీలు అవుతుంది ! తినేటప్పుడు వైరాగ్యం కూడదు కాబట్టి, తపస్సును అంటే కరివేపాకును వేరు చెయ్యాలి, అర్థమయిందా ?
నాయుడు --- కొంచెం కొంచెం అర్థమయిందయ్యా ! ఆమ్మగారూ , మీకు తెలిసిందాండి ?
మహాలక్ష్మి--- కరివేపాకు, వంటకాలు , రుచులు , వీటన్నిటికీ మీ వ్యాఖ్యానాలు బాగున్నా, ఇంకా ఎక్కడి పశ్న అక్కడే ఉండిపోయింది !
********
అయ్యో ప్రశ్నకు సమాధానం చెప్పకుండా అపేసారే!!!
ReplyDeleteచాలా బాగా రాస్తున్నారు.
ధన్యవాదములు సర్.