మొసలి కొలను మ్యూజియం(హాస్య రోమాంచ దైనందిన ధారావాహిక--25)
(నిన్నటి టపాలో జరిగిన కథ ---- బాడీ ఫేక్టరీ గురించి పినాక పాణి పంపిన ఈ-మెయిల్ చదివిన గోపాల్రావు, తన ఇంట్లో పని చేసే, ఆ ఫేక్టరీ వర్కర్ భార్య , ‘గంగ’ గురించి వాకబు చేస్తాడు. అతని భార్య ప్రియంవద గంగ ఆ రోజు నుండే పని మానేసిందనీ, ఆమెకి మ్యూజియంలో పని దొరికిందనీ, చెప్తుంది. అయినా గంగను రప్పించి మాట్లాడే ఏర్పాటు చేస్తానంటుంది.గోపాల్రావు గంగతో పాటు ఆమె భర్త వీరన్ననీ పిలిపించమనీ, అతనికి మరొక మంచి చోట ఉద్యోగం ఇప్పించ గలననీ, అంటాడు. ఈ -మెయిల్’లో సూచుంచున ప్రకారం , ఆ బాడీ ఫేక్టరీ లోనే , మ్యూజియం నుండి దొంగలించిన బొమ్మలు ఉండ వచ్చనీ, వీరన్న సాక్ష్యం చాలా ప్రాముఖ్యమయినదనీ అంటాడు.--- ఇక చదవండి)
మొసలి కొలను మ్యూజియం--- 25
ఇనస్పెక్టర్ ఇంట్లో అయిదుగురి సమావేశం ఏర్పాటయంది. గోపాల్రావు , ప్రియంవద, వీరన్న , గంగలతో పాటు ‘మురుగన్’ కూడా ఆ సమావేశానికి హాజరయ్యాడు. వీరన్నతో భవిష్యత్తులో జరగబోయే సమావేశాలకి, సంప్రదింపులకీ, మురుగన్ సహకారం ఉంటే బాగుంటందని, తనంత తానుగా వెళ్లి పిలుస్తే, సత్యం ధర్మాలకి సందేహం కలుగ వచ్చనీ భావించిన గోపాల్రావు, మురుగన్ ని పిలిపించాడు.
ప్రియంవద పింగాణీ కప్పలతో ఇచ్చిన టీ రుచి చూసిన వీరన్న గంగలు మురిసి పోయారు.
ఒక పోలీసు ఇనస్పెక్టరు ఇంట్లో తమలాంటి దరిద్రులకి అలాంటి స్వాగతం లభిస్తుందని వాళ్లు అనుకోలేదు.ఆ పైన గోపాల్రావు చెప్పిన ఉద్యోగం గురించి విన్నాక ,ఆ దంపతుల ఆనందానికి మేర లేక పోయింది.వీరన్నవెంటనే గోపాల్రావుకి రెండు చేతులూ ఎత్తి దండం పెట్టి, తనవల్ల కాగల పని తప్పక చేస్తా నని ,ఆ విషయంలో ‘సత్యాన్నిగాని, దర్మాన్నిగాని ఎదిరించ వలసి వచ్చినా లెక్క చెయ్యనని అన్నాడు.అప్పుడు గోపాల్రావు అడిగాడు, “వీరన్నా! వాట్సన్ దొర ,మీ సత్యనారాయణ దగ్గరకి ఎందుకు వచ్చాడు ?” అని.
“ ఆ దొరా బాబూ! తెలుసు బాబూ! సత్యం బాబుకి స్పెషల్ వర్కుఆర్డరు ఇవ్వడానికి వచ్చాడు”
“స్పెషల్ వర్కు ఆర్డరు అంటే ఏమిటి ?”
“ మామూలుగా తయారు చేసే బాక్సులు , బాడీలకు బదులు , పార్టీలు అడిగిన కొలతల ప్రకారం ,తయారు చేసే ఆర్డరుని స్పెషల్ వర్కు ఆర్డరు అంటారు.”
“ అలాగా , ఆ దొర మిమ్మల్ని, ఏం చెయ్యమన్నాడు ?”
“ ఒక రిఫ్రిజ్రేటర్ బాడీని తయారు చేయమన్నాడు. మామూలుగా తయారు చేసే విధంగా కాక స్పెషల్ గా తయారు చేయమని కొలతలు ఇచ్చాడు.”
“ ఆ స్పెషల్ వర్కు ఆర్డరు గురించి నీకేమైనా తెలుసా ?”
“ ఎందుకు తెలియదు బాబూ ! అక్కడకి వచ్చే ఆర్డర్లన్నీ ముందుగా నాకే చూపిస్తారు సత్యం బాబు. నేను డిజైను చెయ్యనిదే పని అవదు బాబూ” అన్నాడు వీరన్న గర్వంగా.
“ నాకా విషయం తెలుసు వీరన్నా ! అందుకే నిన్నుపిలిచాను, ఆ దొర అడిగిన రిఫ్రిజ్రేటర్ బాడీలో ప్రత్యేకత ఏమిటి ?”
“ చాలా ఉంది బాబూ ! అది బయటినుంచి చూడడానికి గోద్రెజు కంపెనీ రిఫ్రిజ్రేటర్ బాడీ లాగ ఉండాలి బాడీయే కాక, దాని పైంటింగు, ఫర్నిషింగు, ఫినిషింగు ,అన్నీ మేమే చేయాలి.—”
“ వీరన్నా నేను అడిగినది ఆ ఆర్డరులో స్పెషాలిటీ ఏమిటీ అని ?”
“ అదే చెప్తున్నాను బాబూ ! ఆ బాడీలో కంప్రెషరు గాని, రిఫ్రిజ్రెరెంట్ పైపింగు గాని, సాధారణంగా ఉండే కూలింగు కంట్రోల్సు గాని ,డీప్ ఫ్రీజు గాని ఏమీ ఉండ కూడదు.”
వీరన్న మాటలలో వింత ద్వనించింది గోపాల్రావుకి. వెంటనే అడిగాడు, “ నువ్వన్నట్లు స్పెషల్ ఆర్దరే వీరన్నా ! మరయితే ఏ ఏ ఎటాచ్ మెంట్లు ఉండాలి ?”
“ బేటరీ ఉండాలి బాబూ ! కారు బేటరీలాంటిది ! కరెంటు కనెక్షన్ ఇచ్చేది ఆ బేటరీ ఛార్జింగు కోసమే! ఆ తరువాత ఎనిమిది లాకర్లు ఉండాలి, అది కూడా వాళ్లిచ్చిన కొలతల ప్రకారం, ప్రతీ లాకరుకీ నెంబరింగ్ కీ సిస్టం ఉండాలి. ఆ లాకర్లు రిఫ్రిజరేటరు లోపలి భాగంలో ఉండాలి. అవి బయటికి కనిపించ కుండా మామూలుగా రిఫ్రిజరేటరులో ఉండే ప్లాస్టిక్ బేస్కట్లు, ట్రేలు, కప్ బోర్డులు ఉండాలి. డోరు వెనుక సీసాలు అవీ పెట్టుకొనే అరలు, ఎగ్ కంటైనర్లు ఉండాలి. ”
“ చాలా ఇంటరెస్టింగుగా ఉంది. వీరన్నా ! అంటే బయటినుండి చూసే వారికి, తలుపు తెరవగానే కనిపించే అరలతో సహా అది రిఫ్రిజరేటరు లాగే కనిపించాలి. వాటి వెనక ఎనిమిది అరలుండాలి అనగానే అర్థమయింది, అదెందుకో ! మరి బేటరీ దేనికి ?”
“ బేటరీ ట్రాన్సిమిషన్ సిస్టంకి సప్లయి ఇవ్వడానికి. ”
“ట్రాన్సిమిషన్ సిస్టమా !?”అరిచినంత పని చేసాడు గోపాల్రావు. ,“అంటే ఆ బాడీ ఎక్కడున్నదీ , సిస్టం ద్వారా పంపిన యజమానికి తెలుస్తూ ఉంటుండన్న మాట !”
“ అవును బాబూ ! ట్రాన్సుమీటరు సిగ్నల్సు ద్వారా, ఆ సిస్టం రియాక్టు అయి, అదెక్క డున్నదో తెలుస్తుంది.”
“ వీరన్నా నువ్వు చెప్పిన వివరాలు విన్నాక, ఆ బాడీలో చాల విలువైన వస్తువులు రహస్యంగా దాచి, ఎక్కడికో పంపాలని అనుకొంటున్నట్లు తెలుస్తోంది.”
“ అవును బాబూ ! ఆ వస్తువులేంటో నాకు తెలియదు ! ఆ దొర వాటిని రహస్యంగా తెచ్చి, సత్యం బాబు దగ్గర దాచాడని నా అనుమానం ! ఎందుకంటే ఎప్పుడూ గొళ్లెం మాత్రమే వేసుండే సత్యం బాబు అండర్ గ్రౌండు భోషాణానికి , ఇప్పుడు క్రొత్త తాళం వేసి ఉన్నాది.”
“ వీరన్నా ! చాల ముఖ్యమయిన సమాచారం అందించావు. నువ్వు చెప్పిన దానిని బట్టి చూస్తే , ఆ మ్యూజియం లోని బొమ్మలు , ఈ బాడీలో పెట్టి, విదేశాలకి పంపించే ఏర్పాట్లు జరుగు తున్నాయని అర్థమయింది. నువ్వు మా ఇంటికి వచ్చినట్లు మీ సత్యం బాబుకి తెలుసా ?”
“ లేదు బాబూ ! ప్రతీ గురువారం, నేను , గంగ ఊర్లోని సాయిబాబా గుడికి వెళ్లడం అలవాటు. ఇప్పుడు కూడా అక్కడనుంచే వచ్చాము. ”
“ సరే అయితే, వెళ్లేటప్పుడు కూడా బాబాగారి గుడికి వెళ్లి, అక్కడి నుండి నీ ఇంటికి వెళ్లు. అలాగే వాళ్లకి ఏమాత్రం అనుమానం రాకుండా, నువ్వు నాకొక సహాయం చేయాలి.”
“ చెప్పండి బాబూ ఏం చేయాలో ?”
“ నేను నీ కొక ట్రాన్సిమిషన్ సిస్టం ఇస్తాను. దానిని అదే బాడీలో రహస్యంగా దాచి, ఆ బేటరీకే కనెక్షన్ ఇవ్వు. ఆ సిస్టంనీ , బేటరీ కనెక్షన్లనీ వాళ్లకి ఎలాంటి అనుమానం రాకుండా ఏదో ఒక లాకర్లో అమర్చు. చెప్పు, చెయ్యగలవా ?”
(తరువాత భాగం రేపటి టపాలో)
(నిన్నటి టపాలో జరిగిన కథ ---- బాడీ ఫేక్టరీ గురించి పినాక పాణి పంపిన ఈ-మెయిల్ చదివిన గోపాల్రావు, తన ఇంట్లో పని చేసే, ఆ ఫేక్టరీ వర్కర్ భార్య , ‘గంగ’ గురించి వాకబు చేస్తాడు. అతని భార్య ప్రియంవద గంగ ఆ రోజు నుండే పని మానేసిందనీ, ఆమెకి మ్యూజియంలో పని దొరికిందనీ, చెప్తుంది. అయినా గంగను రప్పించి మాట్లాడే ఏర్పాటు చేస్తానంటుంది.గోపాల్రావు గంగతో పాటు ఆమె భర్త వీరన్ననీ పిలిపించమనీ, అతనికి మరొక మంచి చోట ఉద్యోగం ఇప్పించ గలననీ, అంటాడు. ఈ -మెయిల్’లో సూచుంచున ప్రకారం , ఆ బాడీ ఫేక్టరీ లోనే , మ్యూజియం నుండి దొంగలించిన బొమ్మలు ఉండ వచ్చనీ, వీరన్న సాక్ష్యం చాలా ప్రాముఖ్యమయినదనీ అంటాడు.--- ఇక చదవండి)
మొసలి కొలను మ్యూజియం--- 25
ఇనస్పెక్టర్ ఇంట్లో అయిదుగురి సమావేశం ఏర్పాటయంది. గోపాల్రావు , ప్రియంవద, వీరన్న , గంగలతో పాటు ‘మురుగన్’ కూడా ఆ సమావేశానికి హాజరయ్యాడు. వీరన్నతో భవిష్యత్తులో జరగబోయే సమావేశాలకి, సంప్రదింపులకీ, మురుగన్ సహకారం ఉంటే బాగుంటందని, తనంత తానుగా వెళ్లి పిలుస్తే, సత్యం ధర్మాలకి సందేహం కలుగ వచ్చనీ భావించిన గోపాల్రావు, మురుగన్ ని పిలిపించాడు.
ప్రియంవద పింగాణీ కప్పలతో ఇచ్చిన టీ రుచి చూసిన వీరన్న గంగలు మురిసి పోయారు.
ఒక పోలీసు ఇనస్పెక్టరు ఇంట్లో తమలాంటి దరిద్రులకి అలాంటి స్వాగతం లభిస్తుందని వాళ్లు అనుకోలేదు.ఆ పైన గోపాల్రావు చెప్పిన ఉద్యోగం గురించి విన్నాక ,ఆ దంపతుల ఆనందానికి మేర లేక పోయింది.వీరన్నవెంటనే గోపాల్రావుకి రెండు చేతులూ ఎత్తి దండం పెట్టి, తనవల్ల కాగల పని తప్పక చేస్తా నని ,ఆ విషయంలో ‘సత్యాన్నిగాని, దర్మాన్నిగాని ఎదిరించ వలసి వచ్చినా లెక్క చెయ్యనని అన్నాడు.అప్పుడు గోపాల్రావు అడిగాడు, “వీరన్నా! వాట్సన్ దొర ,మీ సత్యనారాయణ దగ్గరకి ఎందుకు వచ్చాడు ?” అని.
“ ఆ దొరా బాబూ! తెలుసు బాబూ! సత్యం బాబుకి స్పెషల్ వర్కుఆర్డరు ఇవ్వడానికి వచ్చాడు”
“స్పెషల్ వర్కు ఆర్డరు అంటే ఏమిటి ?”
“ మామూలుగా తయారు చేసే బాక్సులు , బాడీలకు బదులు , పార్టీలు అడిగిన కొలతల ప్రకారం ,తయారు చేసే ఆర్డరుని స్పెషల్ వర్కు ఆర్డరు అంటారు.”
“ అలాగా , ఆ దొర మిమ్మల్ని, ఏం చెయ్యమన్నాడు ?”
“ ఒక రిఫ్రిజ్రేటర్ బాడీని తయారు చేయమన్నాడు. మామూలుగా తయారు చేసే విధంగా కాక స్పెషల్ గా తయారు చేయమని కొలతలు ఇచ్చాడు.”
“ ఆ స్పెషల్ వర్కు ఆర్డరు గురించి నీకేమైనా తెలుసా ?”
“ ఎందుకు తెలియదు బాబూ ! అక్కడకి వచ్చే ఆర్డర్లన్నీ ముందుగా నాకే చూపిస్తారు సత్యం బాబు. నేను డిజైను చెయ్యనిదే పని అవదు బాబూ” అన్నాడు వీరన్న గర్వంగా.
“ నాకా విషయం తెలుసు వీరన్నా ! అందుకే నిన్నుపిలిచాను, ఆ దొర అడిగిన రిఫ్రిజ్రేటర్ బాడీలో ప్రత్యేకత ఏమిటి ?”
“ చాలా ఉంది బాబూ ! అది బయటినుంచి చూడడానికి గోద్రెజు కంపెనీ రిఫ్రిజ్రేటర్ బాడీ లాగ ఉండాలి బాడీయే కాక, దాని పైంటింగు, ఫర్నిషింగు, ఫినిషింగు ,అన్నీ మేమే చేయాలి.—”
“ వీరన్నా నేను అడిగినది ఆ ఆర్డరులో స్పెషాలిటీ ఏమిటీ అని ?”
“ అదే చెప్తున్నాను బాబూ ! ఆ బాడీలో కంప్రెషరు గాని, రిఫ్రిజ్రెరెంట్ పైపింగు గాని, సాధారణంగా ఉండే కూలింగు కంట్రోల్సు గాని ,డీప్ ఫ్రీజు గాని ఏమీ ఉండ కూడదు.”
వీరన్న మాటలలో వింత ద్వనించింది గోపాల్రావుకి. వెంటనే అడిగాడు, “ నువ్వన్నట్లు స్పెషల్ ఆర్దరే వీరన్నా ! మరయితే ఏ ఏ ఎటాచ్ మెంట్లు ఉండాలి ?”
“ బేటరీ ఉండాలి బాబూ ! కారు బేటరీలాంటిది ! కరెంటు కనెక్షన్ ఇచ్చేది ఆ బేటరీ ఛార్జింగు కోసమే! ఆ తరువాత ఎనిమిది లాకర్లు ఉండాలి, అది కూడా వాళ్లిచ్చిన కొలతల ప్రకారం, ప్రతీ లాకరుకీ నెంబరింగ్ కీ సిస్టం ఉండాలి. ఆ లాకర్లు రిఫ్రిజరేటరు లోపలి భాగంలో ఉండాలి. అవి బయటికి కనిపించ కుండా మామూలుగా రిఫ్రిజరేటరులో ఉండే ప్లాస్టిక్ బేస్కట్లు, ట్రేలు, కప్ బోర్డులు ఉండాలి. డోరు వెనుక సీసాలు అవీ పెట్టుకొనే అరలు, ఎగ్ కంటైనర్లు ఉండాలి. ”
“ చాలా ఇంటరెస్టింగుగా ఉంది. వీరన్నా ! అంటే బయటినుండి చూసే వారికి, తలుపు తెరవగానే కనిపించే అరలతో సహా అది రిఫ్రిజరేటరు లాగే కనిపించాలి. వాటి వెనక ఎనిమిది అరలుండాలి అనగానే అర్థమయింది, అదెందుకో ! మరి బేటరీ దేనికి ?”
“ బేటరీ ట్రాన్సిమిషన్ సిస్టంకి సప్లయి ఇవ్వడానికి. ”
“ట్రాన్సిమిషన్ సిస్టమా !?”అరిచినంత పని చేసాడు గోపాల్రావు. ,“అంటే ఆ బాడీ ఎక్కడున్నదీ , సిస్టం ద్వారా పంపిన యజమానికి తెలుస్తూ ఉంటుండన్న మాట !”
“ అవును బాబూ ! ట్రాన్సుమీటరు సిగ్నల్సు ద్వారా, ఆ సిస్టం రియాక్టు అయి, అదెక్క డున్నదో తెలుస్తుంది.”
“ వీరన్నా నువ్వు చెప్పిన వివరాలు విన్నాక, ఆ బాడీలో చాల విలువైన వస్తువులు రహస్యంగా దాచి, ఎక్కడికో పంపాలని అనుకొంటున్నట్లు తెలుస్తోంది.”
“ అవును బాబూ ! ఆ వస్తువులేంటో నాకు తెలియదు ! ఆ దొర వాటిని రహస్యంగా తెచ్చి, సత్యం బాబు దగ్గర దాచాడని నా అనుమానం ! ఎందుకంటే ఎప్పుడూ గొళ్లెం మాత్రమే వేసుండే సత్యం బాబు అండర్ గ్రౌండు భోషాణానికి , ఇప్పుడు క్రొత్త తాళం వేసి ఉన్నాది.”
“ వీరన్నా ! చాల ముఖ్యమయిన సమాచారం అందించావు. నువ్వు చెప్పిన దానిని బట్టి చూస్తే , ఆ మ్యూజియం లోని బొమ్మలు , ఈ బాడీలో పెట్టి, విదేశాలకి పంపించే ఏర్పాట్లు జరుగు తున్నాయని అర్థమయింది. నువ్వు మా ఇంటికి వచ్చినట్లు మీ సత్యం బాబుకి తెలుసా ?”
“ లేదు బాబూ ! ప్రతీ గురువారం, నేను , గంగ ఊర్లోని సాయిబాబా గుడికి వెళ్లడం అలవాటు. ఇప్పుడు కూడా అక్కడనుంచే వచ్చాము. ”
“ సరే అయితే, వెళ్లేటప్పుడు కూడా బాబాగారి గుడికి వెళ్లి, అక్కడి నుండి నీ ఇంటికి వెళ్లు. అలాగే వాళ్లకి ఏమాత్రం అనుమానం రాకుండా, నువ్వు నాకొక సహాయం చేయాలి.”
“ చెప్పండి బాబూ ఏం చేయాలో ?”
“ నేను నీ కొక ట్రాన్సిమిషన్ సిస్టం ఇస్తాను. దానిని అదే బాడీలో రహస్యంగా దాచి, ఆ బేటరీకే కనెక్షన్ ఇవ్వు. ఆ సిస్టంనీ , బేటరీ కనెక్షన్లనీ వాళ్లకి ఎలాంటి అనుమానం రాకుండా ఏదో ఒక లాకర్లో అమర్చు. చెప్పు, చెయ్యగలవా ?”
(తరువాత భాగం రేపటి టపాలో)
Comments
Post a Comment