హారర్' నవల:
లౌంజులో తీరుబడిగా కూర్చొని తనకి వచ్చిన కొరియర్’ని శరణ్య. ఆ కవరులో తన తల్లి తండ్రుల చరిత్ర, నరేంద్ర గత జన్మ రహస్యం ఉండి ఉంటుందని ఊహించింది.
మణికంఠ సిద్ధుడు పత్ర మూలకంగా వాటిని పంపిస్తానని అన్నాడు. అందుకని దానిని తీరుబడిగా చదవాలని తన పనులన్నీ ముగించు కొని లౌంజు లోని ఉయ్యాల మంచాన్ని ఆశ్రయించి దానిని విప్పింది.
ఎస్టేటు ఏజెంటు పటవర్ధన్’ తన కెదురుగా కూర్చొని ఉన్న నవ దంపతుల వంక, ముఖం క్రిందకి వంచి కళ్ళజోడు మీదుగా కనుబొమల మధ్యనున్న కోణం లోంచి చూసాడు! అలాంటి చూపుని సినిమాలలో పేటెంటు చేసింది ఎవరో గాని, అది మాత్రం ముమ్మాటికీ దొంగ చూపే!!
నవ దంపతులయిన ‘రమ-అనిరుద్దులకి’ మాత్రం ఆ ఏజెంటు తమ అవవసరం తీర్చడానికి వచ్చిన ఆపద్భాంద వునిలా,ఆ చూపు తమ పైన కురిపించిన కరుణా కటాక్షాల లాగ కనిపించి అనిపించాయి!
“మీకు ఇష్టమయితే నా కారులో రండి. ఇల్లు చూపించి అక్కడనుంచి దగ్గరలోనే ఉన్న ‘లోకల్’ ట్రైను’ స్టేషన్’ దగ్గర దింపేస్తాను” అన్నాడు పటవర్ధన్. అనిరుద్ధు, రమ అంగీకారంగా తలలు ఊపి, అతనితో పాటు కారు ఎక్కారు.
ఇల్లు చాల బాగుంది. పబ్లిక్’పార్కు చివర దానికి ఆనుకొనే ఉంది! పచ్చని బయళ్ళ మధ్య ఒంటరిగా అందంగా కట్టించిన రెండు గదుల ఇల్లు అది! ఇంట్లో ఫర్నిచర్, కర్టెన్లు, మోడ్యులర్’ కిచెన్, గదులలో వద్రోబు, రోజంతా ఉండే నీటి కొళాయిలతో, మంచి సీనరీ ఫిట్టింగులతో ఆధునికంగా కూడ ఉంది! “లక్ష రూపాయలు అడ్వాన్సు కట్టాలి. ఇల్లు ఫర్నిచర్’టో సహా నెలకి పదివేల రూపాయలు అద్దె!” చెప్పాడు పటవర్ధన్’
అనిరుద్ధు రమ కళ్ళ లోకి చూసాడు. “చాల బాగుందండి! మనం మన సామాను తీసుకొని నేరుగా వచ్చేయ
వచ్చు! అద్దె కూడ రీజనబుల్’గా ఉంది” రమ ఉత్సాహంతో అంది. అనిరుద్దుకి కూడా ఇల్లు నచ్చింది. వెంటనే చెక్కు బుక్కు తీసి అక్కడికక్కడే లక్షా పదివేలకి చెక్కు వ్రాసి ఇచ్చాడు.
పట వర్ధన్’ ఇల్లు తాళం వేసి, తాళం చెవులు అనిరుద్ద్’ చేతికి ఇచ్చాడు. తరువాత వాళ్లని తన కారులో రైల్వే స్టేషన్లో తీసుకెల్లి దింపాడు.
అనిరుద్ధు తన పర్సనల్’ సామాను తీసుకొని, మర్నాడే ఆ ఇంటికి వచ్చేసాడు. రమ రావడానికీ ఇంకా సమయం ఉంది.దుస్తులు వాడ్రోబు లోను, సామాన్లను కప్- బోర్డుల లోను సర్దేసి, తరువాత హోటలు నుంచి తెచ్చిన డిన్నర్’ ప్యాక్’ని డైనింగ్’ టేబుల్’ మీద పెట్టి మళ్ళీ చూసాడు.
ఆమె అటువైపే చూస్తోంది!
అనిరుద్’ బయటికి వచ్చాడు. ఆమె అతనిని చూసి నవ్వింది. ఆమె కళ్ళు చాలా నీలంగా ఉన్నాయి!
"నమస్కారం! నా పేరు ‘నీలిమ” అంది, ఆమె అనిరుద్’ తన దగ్గరకి రాగానే!
“అలాగా! నమస్కారం, నాపేరు అనిరుద్!” అన్నాడు.
“ఈ ఇంట్లో ఎవరూ ఉండేవారు కారు! మీరు కొత్తగా వచ్చారా?” అని అడిగింది నీలిమ.
”అవును నేను ఈ రోజే వచ్చాను. నా భార్య రమ మూడు రోజుల తరువాత సామాన్లు తీసుకొని వస్తుంది”
“ఆవిడకి సెలవు దొరకలేదా?”
“లేదు! మీరు ఇక్కడకి రోజూ వస్తూ ఉంటారా?”
“అవునండి, రోజూ మూసిఉండే కిటికీలు, తలుపులు చూస్తూ ఉంటాను! ఈ రోజు మీ రాక వల్ల అవి తెరచుకోన్నాయి! నాకు ఒకసారి ఇల్లు చూపిస్తారా?”
“ ష్యూర్! రండి” అంటూ అనిరుద్’ ఇంటి వైపు అడుగులు వేసాడు. నీలిమ అతని వెనకనే అడుగులు వేస్తూ ఉండగా, ’నీలిమ’ చాల అందంగా ఉంది’ అనుకొన్నాడు అనిరుద్.
రమ 3 రోజుల తరువాత తన సామాన్లతో ఆ ఇంటికి వచ్చింది. దారి పొడవునా ఒకటే ఆలోచన! ‘అనిరుద్’ ఫోను ఎందుకు చేయలేదు? సెల్’ ఆఫ్’ చేసి ఎందుకు కూర్చొన్నాడు? మాటా మంతి లేకుండా 3 రోజులుగా ఏం చేస్తున్నాడు? తనే వెర్రిది! అతని కోసం కలవర పడుతోంది!’ అనుకొంటూ ఇంట్లోకి అడుగు పెట్టింది. అనిరుద్’ ఇంట్లో కూడా లేదు! ఆఫీసులో కూడ లేరని చెప్పారు!! ఏమయింది ఇతనికి..?’
(ఇంకా ఉంది)
Comments
Post a Comment